top of page
F2B290A3-EE49-4C9B-979D-4C6497A3CC7E_1_105_c_edited.jpg

302 Nā Haʻawina

ʻUalakaʻa: pilina ʻōlelo / haʻi moʻolelo

21 Pepeluali 2024

Eia ma ʻaneʻi kahi haʻawina hoʻomaʻamaʻa no nā analula i loaʻa i ka moʻolelo o ʻUalakaʻa. E unuhi nō i nā ʻōlelo i loaʻa a e lawe mai i kope paʻa (hard copy) i ka papa. Ma laila e hoʻoponopono a hoʻākāka ʻia ai.


Eia hoʻi, e hoʻomaʻamaʻa nō i ka haʻi hou ʻana i ka moʻolelo. E hana ʻia ana nō i ka papa ma ka lā 21.


**Mai poina - ʻaʻohe kula o ka lā 19! A ka Pōʻakolu nō kākou!

No ʻUalakaʻa

14 Pepeluali 2024

Maikaʻi kā kākou nānā pū ʻana i ka hōʻano hou o nei moʻolelo. ʻAʻole i pau, no laila, ʻo kāu chance hou kēia e paʻi ai i kāu hōʻano hou ʻana a lawe mai i ka papa i ka Pōʻakolu.


Eia kekahi, e heluhelu hou i ka moʻolelo a e hoʻāʻo e haʻi hou. ʻAʻole paha e hoʻopaʻanaʻau i ka ʻōlelo a ka moʻolelo, akā e haʻi hou i ka moʻolelo ma kou ʻano ponoʻī. E hoʻomaʻamaʻa hou ʻia ana nō i loko o ka papa - e hele mai me ka mākaukau!

He moʻolelo no ʻUalakaʻa

12 Pepeluali 2024

Aia ma ʻaneʻi kekahi kope piha o kēia moʻolelo no ʻUalakaʻa. Hoʻokahi wale nō lālani i paʻi ʻole ʻia: "ianei hia, e ahuake mai ana keia".


No ka Pōʻakahi, e hōʻano hou i ka moʻolelo, ʻo ia hoʻi, e:

  • kikokiko hou i ka moʻolelo holoʻokoʻa

  • hoʻokomo i nā ʻokina me nā kahakō i kahi kūpono

  • e hoʻohui (aku la = akula) a e hoʻokaʻawale (hanaia = hana ʻia), e like me ka mea e pono ai

**E paʻi i ka pepa, ke pau ke kikokiko ʻana, a lawe ʻia mai ka pepa i ka papa i ka Pōʻakahi.


Eia kekahi, mau nō ka hoʻoikaika ʻana i ka Paukū Moʻolelo 2. E nānā i kaʻu mau manaʻo i waiho aku ai, a e hoʻoponopono hou. ʻO ka lā 14 o Pepeluali nei ka lā e pau ai ka hoʻoponopono; ʻaʻole naʻe e loaʻa ana he haʻi ʻōlelo no kēia paukū.

Hōʻike!

5 Pepeluali 2024

He hōʻike kā ʻoukou i ka Pōʻakahi! Eia iho nei nā māhele ona (ua haku au i kekahi māhele hou, no laila e makaʻala mai nō):

  • he possessive (haku)

  • ‘akahi / aia a / i loa nō a (unuhi, me ke koho ʻana i ke analula kūpono)

  • ‘iae me ʻakahi (haku)

  • lilo (unuhi)

  • unuhi mai ka ʻōlelo Hawaiʻi a i ka ʻōlelo Pelekānia (he paukū pōkole)

Ma ka lā 7 o Pepeluali, e mālama ʻia ana ka haʻi ʻōlelo uluwale. E hoʻomākaukau pono ʻoukou!

I loa nō a / Hoʻomākaukau no ka Hōʻike

31 Ianuali 2024

Eia kekahi haʻawina hoʻomaʻamaʻa no "I loa nō a." E hoʻopihapiha a lawe mai i ka papa i ka Pōʻakolu.


Aia ma ka lā 5 o Pepeluali kā ʻoukou hōʻike mua. E hoʻopaʻa aku i kēia mau analula:

  • He Possessive

  • Lilo (nā manaʻo ʻehā)

  • Aia ā

  • ‘Iae

  • ‘Akahi

  • I loa nō ā

Paukū Moʻolelo #2

29 Ianuali 2024

Eia kekahi kiʻi hou aku - e haku hoʻi i moʻolelo pōkole no kēia kaikamahine a me kāna palai ʻana i ka hua moa. No ke aha ʻo ia e palai ana i ka hua moa? He aha kāna hana ma mua iho? Ma hope aku? Ma hea ʻo ia, a ʻo ka wā hea nō ia? He mau māhele paha kēia no kāu moʻolelo e haku ai.


I loko o kāu moʻolelo, e hoʻomaʻamaʻa nō i nā ʻōlelo a kākou e aʻo (hou) nei, a me nā mea ʻē aʻe i pili. Waiho ʻia i loko o kāu Faila Haumāna, ma loko o ka Faila "Haʻawina Kākau" ma mua o ka papa i ka Pōʻakahi.


Eia hoʻi ma ʻaneʻi kekahi palapala e wehewehe ana i nā pilina ʻōlelo i nānā ʻia i ka papa iho nei: ʻiae & ʻakahi. Ma laila kekahi wahi e hoʻomaʻamaʻa ai.

Hōʻike Liʻiliʻi / Huaʻōlelo Hou

24 Ianuali 2024

I ka pōʻakolu, aia ana he hōʻike liʻiliʻi. 15 paha ka lōʻihi o ka hana, a he unuhi wale nō mai ka ʻōlelo haole a i ka ʻōlelo Hawaiʻi. ʻEkolu analula e hoʻopaʻa ai: He Possessive; Lilo (kona mau ʻano ʻekolu); Aia a painu.


Aia ma ʻaneʻi kekahi haʻawina hoʻomaʻamaʻa no ke kōkua ʻana.


Inā hoʻi ʻaʻole i pau ka ʻimi ʻana i nā manaʻo o nā huaʻōlelo hou ma ka papa huaʻōlelo nei, e hoʻokō aku.

Aia ā / Huaʻōlelo Hou

22 Ianuali 2024

‘Elua haʻawina pōkole o kēia hopena pule.


‘Akahi. E heluhelu hou i ka wehewehena i ke analula Aia a painu. A e unuhi hoʻi i nā ʻōlelo i loaʻa ma kēia haʻawina nei.


‘Alua. Ua waiho ʻia ma kēia Faila Google he papa huaʻōlelo. He mau huaʻōlelo ia mai kekahi moʻolelo o ʻUalakaʻa. E ʻimi i nā manaʻo o kēlā me kēia huaʻōlelo, a e kākau/kikokiko ma kāu palapala ponoʻī.


Lawe ʻia maila nā mea ʻelua i ka papa ma ka Pōʻakahi. Mahalo!

Hoʻoponopono & Hoʻoikaika

17 Ianuali 2024

E nānā hou i kāu Paukū Moʻolelo i haku iho nei, a e nānā pū i nā hua o ka haʻawina o kēia lā:

  • He Possessive {He mea + ko/kā ‘ona.}

  • Lilo (me kona mau manaʻo he ʻekolu, ʻehā paha)

  • Ka hoʻēmi ʻana i ka "Ua" nui.

E hoʻoponopono i ka mea e hiki (a e kōkua au i ka hoʻoponopono ʻana i nā mea ʻē aʻe, me ka waiho ʻana ma kāu palapala Google). A e hoʻomōhala paha i nā manaʻo i loko. A laila, e hoʻopaʻanaʻau i ia paukū no ka haʻi ʻana mai i mua o ka papa ma kēia Pōʻakolu aʻe.


** Mai poina, ʻaʻohe kula i ka Pōʻakahi - ʻo ka lā ia e hoʻohanohano ai iā Martin Luther King!

Paukū Moʻolelo

10 Ianuali 2024

Me nā hua ʻōlelo i loaʻa ma ka papa, a me nā hua ʻōlelo hou aku paha, e haku i moʻolelo pōkole no kēia kiʻi. He paukū hoʻokahi ka lōʻihi. Aia iā ʻoe ke ʻano - e wehewehe paha i ke kiʻi, e haku paha i pāpāʻōlelo, e haku wale i moʻolelo no nā kānaka i loko o ke kiʻi. Nāu e koho i ke ʻano.


Hana ʻia ma ke ʻano he Google Doc a waiho ʻia ma kāu Faila Kākau ponoʻī ma ka Waihona Google. Hana ʻia ma mua o ka papa i ka Pōʻakolu.

bottom of page