Nā Haʻawina 402

Eia ka haʻawina hope loa o kēia papa, he Pepa Kālai Manaʻo. E waiho ʻia ma kāu Faila Haumāna ponoʻī ma mua o ka hola 4:00 o ka ʻauinalā, 10 Mei.

A, mai poina hoʻi ka hoʻopihapiha ʻana i nā palapala loiloi papa, i loaʻa iaʻu kou mau manaʻo, a i loaʻa hoʻi iā ʻoe kāu helu ʻai keu.

A hui hou kākou i ka wā kūpono!

Ua hiki mai kākou i ka pule hope o ke kau! I ka lā 1 & 3 o Mei, e mālama ʻia ana nā haʻi ʻōlelo uluwale a me ka hōʻike kākau. No laila, mai hele ʻole i ka papa!! Aia ma ʻaneʻi kekahi mau kumumanaʻo no nā haʻi ʻōlelo. I ka Pōʻakahi e hoʻolako ʻia ai ka hōʻike kākau. I hoʻomaʻamaʻa, e nānā hou i ka moʻolelo o Hiʻiaka (nā pukana a kākou i heluhelu pū ai) a me nā haʻawina pilina ʻōlelo a pau mai kinohi mai o kēia kau.

Eia hoʻi nā palena pau ʻē aʻe:

• 1 Mei: ka hana hou ʻana i ka wikiō Piper

• 3 Mei: nā haʻawina helu ʻai keu (pepa/wikiō)

Eia kahi haʻawina no ka hoʻomaʻamaʻa ʻana i kēia ‘ano iʻoa, ma kona mau ʻano like ʻole. E hana kope ma mua, hoʻokomo ʻia i kāu Faila Haumāna, a laila e hoʻopihapiha!

Mai poina:

1 Mei: palena pau no ka hoʻoponopono ʻana i ka wikiō no Paipa

3 Mei: palena pau no nā hana helu ʻai keu

ʻO ka pukana hope loa kēia a kākou e heluhelu pū ai. 

Na ka Hui Kupukupu ka hōʻano hou. Hoʻomāhelehele ʻia ka hana ma kēia palapala - e hōʻano hou aku nō i ka ʻāpana nona ka helu i pili i kou inoa ma ka palapala o nā hui heluhelu Hiʻiaka. Ke pau, waiho ʻia ma ʻaneʻi.

Na ka Hui ʻŌhiʻa ka hāpai manaʻo (waiho ʻia ma ʻaneʻi).

Eia hoʻi kahi e waiho ai i nā nīnau Pololei/Hewa no ka Hoʻonui ʻIke #3.

Eia ka papamanawa o kēia pule:

• Pōʻakolu 4/12: e hui nō me kā Kumu Haʻalilio papa 301. Aia ka ʻikepili ma ka leka uila aʻu i hoʻouna aku ai.

• Pōʻakahi 4/17: hoʻokuʻu ʻia ka papa. E oki leo i ka moʻolelo wikiō ʻo Piper.

• Pōʻakolu 4/19: hui nō kākou ma ka Zumi papa; e haʻi ʻōlelo ka poʻe hoʻomākaukau Papahana Hoʻonui ʻIke.

Eia ka haʻawina hoʻomaʻamaʻa no kēia māhele. E hana kope, hoʻokomo i kau Faila Haumāna, a hoʻopihapiha ma mua o ka papa i ka Pōʻakolu. E hoʻomau ʻia ana nō ka heluhelu a me ke kamaʻilio ʻana i loko o ka papa.

Eia nō ka moʻolelo o Hiʻiakaikapoliopele ke waiho nei i mua o kākou. E heluhelu nō i ka pukana o ka lā 31 o Ianuali 1908, a e hoʻokō i nā haʻawina kūmau:

• Hui ʻŌhiʻa: Na ʻoukou ka hōʻano hou a me ka ʻimina hua ʻōlelo hou. E hana nō i ka māhele nona ka helu i kau ma kahi o kou inoa ma ka papa inoa nei. **E nānā hou i nā māhele i hana mua ʻia, i ʻole e loaʻa ai nā hemahema like! Eia hoʻi ka pdf o ua pukana nei.

• Hui Kupukupu: Na ʻoukou ka hāpai manaʻo. Ma kahi o ka hoʻokahi ʻaoʻao no ka wehewehe ʻana a me ke kālailai liʻiliʻi ʻana i kekahi mea hoihoi/waiwai i loko o ka moʻolelo. Mai poina, ʻokoʻa kēia haʻawina, ʻokoʻa ka papahana hoʻonui ʻike! Waiho ʻia kāu pepa (1 ʻaoʻao) ma ka faila nei ma mua o ka papa i ka Pōʻakahi.

E hoʻomaha kākou i ka hele kula ʻana i kēia Pōʻakahi - he lā nui ia no ka lā hānau o Kūhiō Kalanianaʻole.

Eia hoʻi nā haʻawina ʻelua e hoʻopau ai ma mua o ka papa i ka lā 29 o Malaki:

• No "Piper". E paʻa nō ke kā piha o ke kūkaʻi ʻōlelo no nei wikiō pōkole a hoʻokomo ʻia ma ka faila nei. Mai poina nā pahuhopu nui ʻelua, ʻo ka leʻaleʻa a me ka maiau!

• Papahana Hoʻonui ʻIke. E haʻi ʻōlelo ka poʻe haʻi ʻōlelo, a waiho ʻia hoʻi ka pepa ma kāu Faila Haumāna ponoʻī. Eia hou ka wehewehe ʻana i nei haʻawina.

E hoʻomau nō i ka haku ʻana i ka ʻōlelo e hoʻokani pū ʻia me kēia wikiō leo ʻole. Ke paʻa kekahi kā, e waiho aku ma kēia Faila Google nei. ʻO ka lā 29 o Malaki ka palena pau no ke kā piha loa.

Eia kekahi, e ka poʻe nāna ka māhele Hoʻonui ʻIke o kēia pule aʻe, e hoʻomākaukau nō i ka haʻi ʻōlelo a me ka pepa. Ke maopopo kāu kumumanaʻo, e waiho ʻia ma ʻaneʻi. Aia hoʻi ma ia palapala like ka wehewehe hou ʻana i kēia haʻawina, i paʻa loa iā ʻoukou.

Aī, ua hōʻea mai kākou i ka pule hoʻomaha o ke kupulau nei! Eia ka haʻawina nui e hoʻokō aku ai, e ʻimi i nā hoa ʻōlelo Hawaiʻi a e walaʻau pū ma ka ʻōlelo Kanaka!

Eia hoʻi kekahi haʻawina hoʻomaʻamaʻa. E nānā i kēia wikiō pōkole. A laila, e haku i mau māmala ʻōlelo i pili i ua wikiō nei, me ka hoʻokomo ʻana i nā analula i loaʻa mai mai loko mai o ka moʻolelo o Hiʻiakaikapoliopele. He ʻōlelo paha na kekahi meʻe i loko o ka wikiō; he ʻōlelo paha na ka mea haʻi moʻolelo - aia iā ʻoe. E haku i hoʻokahi māmala ʻōlelo no kēlā me kēia analula i loaʻa ma nā haʻawina hoʻomaʻamaʻa. Aia ma ʻaneʻi ka papa helu o ua mau analula nei. Ke paʻa, e waiho aku i kāu faila Hoʻomaʻamaʻa Pilina ʻŌlelo ponoʻī.

Auē, ua luʻu nō kākou i loko o ka lua lāpaki nui ʻo ka pilina ʻōlelo. Mahalo i ka hoʻomanawanui ʻana.

Eia kahi haʻawina hoʻomaʻamaʻa no kēia pukana hou o ka moʻolelo o Hiʻiaka. E hana nō, a e lawe mai i nā nīnau a me nā manaʻo i ka papa, i iʻa kole a kākou e naunau pū ai.

E hoʻomau kākou i ka heluhelu ʻana i nei moʻolelo hiwahiwa a ka lāhui. E kiʻi aku i ka pukana o ka lā 24 o Ianuali, e heluhelu aku, a e hōʻiliʻili aku nō i nā hua ʻōlelo i kamaʻāina ʻole iā ʻoe.

Eia hou nā hui, ma ʻaneʻi. Penei ana nā kuleana no kēia heluhelu ʻana:

Na ka hui Kupukupu ka hōʻano hou. Aia ma ʻaneʻi ka palapala i hoʻokaʻawale ʻia. E hōʻano hou ʻoukou i ka māhele nona ka helu i kau ʻia ma kahi o kou inoa, a e hoʻokomo aku nō ma ka palapala Google nei. E hoʻokomo nō hoʻi i ka manaʻo o nā hua ʻōlelo hou ma ka ʻaoʻao, ma ke ʻano he comment.

Na ka hui ‘Ōhiʻa‘ ke kākau manaʻo. E ʻimi ʻoukou i mea hoihoi a pohihihi paha i loko o kēia pukana, a e wehewehe mai i kou mau manaʻo ma ke kākau. He hapa ʻaoʻao a ʻoi iki aku paha ka lōʻihi o kēia kākau manaʻo. E waiho aku nō i kēia faila, i hiki ke heluhelu ʻia e nā hoa papa. No ke kākau manaʻo - mai kākau hou i kekahi mea i hāpai ʻia ma nā papahana Hoʻonui ʻIke.