Nā Haʻawina 601

‘O kā Laiana Wong mau moʻolelo ka mea e heluhelu ʻia no kēia Pōʻakahi aʻe. (E heluhelu nō i nā ʻatikala pōkole holoʻokoʻa a me kekahi mau mokuna o ka pepa laeʻula.) Aia nō ke waiho lā i ka ʻaoʻao Mokuna V.

Eia kekahi, e haku i kekahi hōʻuluʻulu noiʻi no kāu papahana kau. Aia ma ʻaneʻi ka wehewehe ʻana a me kekahi mau laʻana. Aia ma Laulima kahi e waiho ʻia ai ma mua o ka hui ʻana o ka papa.

Aia ma ka ʻaoʻao Mokuna IV kekahi mau māhele o nā moʻolelo nūpepa Hawaiʻi kahiko. E koho i hoʻokahi o ia mau māhele, e heluhelu aku i nā moʻolelo i loko ona, a e hoʻomākaukau i manaʻo no ke ʻano i manaʻo ʻia ai ke kumumanaʻo nui o ua māhele nei. (Kūpono loa nā māhele no ka ʻōlelo Hawaiʻi, ke aloha ʻāina, a me ka hoʻohui ʻāina.) **A koho ʻia kāu māhele, e hōʻike mai iā mākou ma ka leka uila, i ʻole e pālua ai ka hana ʻia e kekahi haumāna ʻe aʻe.

Eia kekahi, e hoʻomākaukau no ka Pepa Liʻiliʻi a me ka Haʻi ʻŌlelo pōkole i ka lā 14 o Nowemapa.

E koho i kekahi o nā palapala i waiho ʻia ma ka ʻaoʻao Mokuna III o kēia paena pūnaewele, e heluhelu aku, a e hoʻomākaukau i mau manaʻo a nīnau paha e hāpai maila i ka papa ma ka Pōʻakahi.

Eia kekahi, e waiho i pepa ma ka Papa Kūkā o Laulima me kēia mau mea i pili i kāu papahana noiʻi no kēia papa:

• ka wehewehe ʻana i ka manaʻo nui o kāu pepa noiʻi a me ka pahuhopu ona

• kahi ʻolokeʻa o nā māhele o ka pepa

• he mau kumu ʻike āu e noiʻi aku ai

‘O ka lā 31 o ʻOkakopa ka palena pau, ma mua iho o ka hui ʻana o ka papa.

Eia ka moʻolelo e heluhelu ai no kēia Pōʻakahi aʻe:

Ka Moolelo o Kamehameha I, Ka Naʻi Aupuni o Hawaii

Na Kūʻehu lāua ʻo Keleka e kākau i ka pepa Kālai Manaʻo a hoʻouka aku ma Laulima. Na Hoaloha hoʻi ka hoʻoulu kamaʻilio ʻana o kākou.

Eia hoʻi, e hoʻomaka i ka hoʻolālā ʻana i ka Pepa Noiʻi no kēia papa. Ma ka lā 31 o ʻOkakopa, e hāʻawi ʻia mai ana kēia mau mea:

• he wehewehena laulā i ke kumumanaʻo o kāu pepa noiʻi a me ka waiwai e loaʻa mai ana

• he mau kumuʻike āu e ʻimi noiʻi ai (he puke, pepa, lola, nīnauele paha)

• he ʻolokeʻa (outline) o nā māhele nui o ka pepa

No Hiʻiakaikapoliopele

E heluhelu i kēia mau māhele ʻekolu o kā Hoʻoulumāhiehie mana o ka moʻolelo:

• Ka hoʻomaka ʻana (a hiki i ko Hiʻiaka hoʻopau ʻana iā Panaʻewa): ʻaoʻao 1-60 / 1 Iune 1905 - 22 ʻAukake 1905

• Ka hakakā ʻana me nā moʻo a me ka hoʻōla hou ʻana iā Lohiʻau: ʻaoʻao 188-238  / 19 Pepeluali 1906 - 10 ʻApelila 1906

• Ka hou hou ʻana o Hiʻiaka me Lohiʻau: ʻaoʻao 420-453 / 30 ʻOkakopa 1906 - 30 Nowemapa 1906

Ke hui ka papa ma ka lā 3, na kekahi kumu e kōkua ma ke kamaʻilio ʻana. E like me kā kākou mau mea maʻamau, e ʻimi i ko ka mea kākau kūkulu manaʻo ʻana, i loko hoʻi o ka haʻi moʻolelo ʻana. A e hoʻomākaukau paha i mau manaʻo a nīnau e kamaʻilio pū ai.

No ka  Wehewehe Mele

‘O ka lā 10 o ʻOkakopa ka lā e pau ai ka pepa a e hana ʻia ai ka haʻi ʻōlelo. Ua koho ʻia nā mele; ʻo ka ʻimi ʻike a me ka wehewehe manaʻo ka mea i koe.

No ka pepa:

• 5-8 ʻaoʻao, lele ka laina

• Chicago/Turabian no ke kuhikuhia o lalo a me ka Papa Kūmole

• Waiho ʻia ma ka Dropbox i Laulima ma mua o ka hui ʻana o ka papa

No ka haʻi ʻōlelo:

• 10-15 minuke

• Hōʻike ʻia maila kekahi ʻōlelo/kiʻi/mea i kōkua i ka hoʻomaopopo ʻana

• Iā ʻoe ke ʻano (no need be fancy)

Eia ka palapala e heluhelu ai no ka papa i kēia pule aʻe. Na Hoaloha a me Kūʻehu e waiho i pepa Kālai Manaʻo ma ka papa kuhikuhi o Laulima; na Keleka e hāpai i mau manaʻo a nīnau hoʻi i loko o ka papa.

• Poepoe, Joseph Mokuʻōhai. Ka Moolelo Hawaii Kahiko.

Eia kekahi, e koho i ke mele āu e wehewehe ai no ka Pepa Liʻiliʻi mua a me ka haʻi ʻōlelo pū.

"He Mele no Kamehameha V." Ke Alakai o Hawaii.

E heluhelu nō i kēia wehewehena mele, me ka nānā ʻana i ka manaʻo a kēlā me kēia loea mele i hoʻākāka maila. E like me ka nīnau nui i hāpai ʻia ma ka papa mua, e kau ka noʻonoʻo i ke ʻano i hana ai kēia poʻe akamai i ia mea he noiʻi, he kūkulu manaʻo, he hoʻonaʻauao, a he theory/philosophy/practice kekahi.

Pepa Kālai Manaʻo - Hoaloha a me Kūʻehu

E wae aku i kekahi paukū nui o ka hoihoi a me ka waiwai, a e kikokiko hou aku ma ka māhele mua o kāu pepa. Ma lalo iho, e kālai nō i nā manaʻo i loko o laila -- nā mea waiwai, ka pilina paha me kekahi mea ʻē aʻe āu i heluhelu ai, nā nīnau e puka mai ana, a pēlā aku. Waiho ʻia ka pepa (Word/Pages/pdf/Google Doc) ma ka Papa Kūkā i Laulima, ma mua o ka hola ʻumi o ka pō Lāpule, lā 28 o ʻAukake.

Ka Hoʻoulu Kamaʻilio - Keleka

Ma hope o ka heluhelu ʻana i nā pepa i kākau ʻia e nā hoa papa, e hoʻomākaukau i mau nīnau a manaʻo paha e hāpai ai i ka hui ʻana o ka papa, i mea e ulu ai ke kamaʻilio pū ʻana no kēia palapala.