top of page
51A7D1DD-BA9B-4C1A-8CBA-23ED13475CFC_1_105_c_edited.jpg

Nā Haʻawina 604

6 Pepeluali 2023

Shishido & Hāpai Manaʻo #2

Eia ka mea e heluhelu ai i kēia pule:

Shishido, Beau Makanamakamae. He Aha Hoʻi ka Mea ʻo ka Hele Hoʻokahi ʻAna, I Hele ʻOe, Hele me ou mau Kūpuna. Pepa Noiʻi Laeoʻo. Ke Kulanui o Hawaiʻi i Mānoa, 2020.


Na Keleka e alakaʻi i ka papa a me ke kamaʻilio ʻana o kākou. I kōkua iā ia, e hoʻokomo i kāu pepa Hāpai Manaʻo #2 ma ka faila kūpono i ka pō Lāpule. No kēia hanana, hiki iā ʻoe ke koho i ke kākau wale ʻana i pepa, a i ʻole i ka hoʻopihapiha ʻana i ka palapala Haʻawina & Hoʻokō. 

30 Ianuali 2023

Gonzales & Hāpai Manaʻo #1

No kēia pule aʻe, e heluhelu kākou a pau i ka palapala noiʻi a Kiele Gonzales, aia ma ʻaneʻi:

Gonzalez, Keiko Kiele Akana Gooch. Nā Loina Kapa Inoa Kanaka Hawaiʻi: Mai ka Wā Kahiko a Hiki i ke Kenekulia 20. Palapala Noiʻi Laeoʻo. Ke Kulanui o Hawaiʻi ma Hilo, 2014.


Ma hope o ka heluhelu ʻana, e hoʻokō i kēia mau mea ʻelua:

  • E hoʻopihapiha i ka palapala Haʻawina & Hoʻokō.

  • E kākau i ka Hāpai Manaʻo #1: hoʻākāka mai i kekahi manaʻo i ʻupu aʻe ma muli o kou heluhelu ʻana i kēia pepa noiʻi, kālailai liʻiliʻi, a hāpai hoʻi i nīnau.

Waiho ʻia kēia haʻawina ma ka faila Hāpai Manaʻo ma ka pō Lāpule, lā 29 o Ianuali.


Na Kuehu e alakaʻi i ka papa ma ka lā 30. E hoʻomaka ana ʻo ia me ka wehewehe hou ʻana i nā mea waiwai a me nā māhele o kēia pepa (he 15 paha minuke). A laila, nāna e alakaʻi i ka wā kamaʻilio o ka papa.


**Eia kekahi - ua hoʻoponopono ʻia ka papa manawa ma kā kākou ʻolokeʻa. Aia nō ke waiho lā ma ka ʻaoʻao Nā Pono Papa.

23 Ianuali 2023

Hoʻuluʻulu Palapala Noiʻi Laeoʻo

E heluhelu aku i nā palapala noiʻi laeoʻo āu i koho ai, a e hoʻomākaukau i wahi hōʻuluʻulu (summary) pōkole no ua mau palapala nei. Waiho ʻia kēia mau paukū hōʻuluʻulu ma ka faila Palapala Noiʻi i Puka ma ka Waihona Google a kākou. A laila, kūkākūkā ʻia nō i ka hui ʻana o ka papa.


na Kuehu: Gonzales, Lum, Kimura

na Hoaloha: Neumann, Kelekolio, Basham

na Kapaiaʻala: Forrest, Ezell, Kawaiʻaeʻa

na Keleka: Lorenzo-Elarco, Shishido, Damas

naʻu: Au, Chun-Lum, Kahaunaele


‘Aʻohe papa i ka lā 16. A hui hou kākou i ka lā 23!

bottom of page