16 Pepeluali 2022

Noiʻi Moʻolelo; Hoʻopilipili (kai mālie)

Ka Noiʻi Moʻolelo

Ua hoʻomaka ʻē ʻia paha ka heluhelu ʻana i ke kaʻao āu i koho ai. Inā i poina kāu kaʻao o ke koho ʻana aku, e nānā i ka papa helu ma ʻaneʻi. E hoʻomau nō i ka heluhelu. Ke loaʻa kekahi mea hoihoi, e mālama ma kekahi papa helu. Eia kekahi laʻana.


I ka lā 23 o Pepeluali, e kamaʻilio pū ana kākou no nā mea hoihoi i loaʻa iā ʻoukou, a e kaʻana like ana ʻoukou i nā papa helu a me kekahi mau mea āu i ʻike ai. E mākaukau.


Ka Hoʻopilipili

Ma kā Poepoe mana o Hiʻiakaikapoliopele, wehewehe maila ia i kekahi ʻino nui o ka moana, me ke kai hoʻēʻe hoʻi i hoʻouna ʻia maila e Kahinaliʻi. Aia ma ʻaneʻi ia māhele, me ka nui hua ʻōlelo i hoʻopuka ʻia no ke ʻano o ia kai ʻino.


3 māhele o kēia hana hoʻopilipili:

  1. Puaʻi manaʻo - no nā hua ʻōlelo a me nā ʻōlelo pōkole e pono ai no ka wehewehe ʻana i ka mālie loa o ke kai. (ʻO ka ʻēkoʻa kēia o kā Poepoe.)

  2. ‘Imi aku i ia mau ʻōlelo ma ka nūpepa ʻōlelo Hawaiʻi, nā ʻōlelo noʻeau, a me nā mele. I mea kēia e ʻike ai i ke ʻano maʻamau i hoʻopuka ʻia ai kēia mau ʻōlelo e nā kūpuna. ʻO ia ko kākou kahua.

  3. E haku i kahi paukū pōkole me ia mau hua ʻōlelo, no ka wehewehe akāka loa ʻana i ke kai mālie. ʻO ka pahuhopu, e loaʻa kahi koʻolua no kā Poepoe i kākau ai no ke ʻino.


Ke pau, waiho ʻia kāu paukū ma ka faila Hoʻopilipili i Laulima - ma mua o ka papa i ka Pōʻakolu.