2 Malaki 2022

Kākau Manaʻo: no ka haku hou ʻana i moʻolelo wahi pana

I kēia māhele o ka papa, e haku hou ana nō kākou i nā moʻolelo wahi pana kahiko. ʻAʻole nō e hoʻololi ʻia ka moʻolelo, akā e ʻokoʻa iki ana nō. Eia kekahi mau nīnau e noʻonoʻo ai. E koho i hoʻokahi, a e pane aku ma kahi pepa liʻiliʻi. Hoʻomaka ʻia ka pepa me ka nīnau āu e pane ai, a e waiho ʻia ma ka faila Kākau Manaʻo ma mua o ka papa i ka Pōʻakolu.


Nā nīnau:

  • He aha kekahi mau kumu e haʻi hou ai i kekahi moʻolelo wahi pana kahiko? Pehea e ʻokoʻa ai ka haʻi hou ʻana ma ia mau pōʻaiapili ʻokoʻa?

  • ‘Okoʻa loa kekahi o nā mana o ka moʻolelo o Kapunahou a kākou i heluhelu aku ai. ʻAʻole paha hiki ke maopopo ke kumu i ʻokoʻa ai lāua, akā i kou ʻike ʻana, he aha ke kumu e haʻi hou ʻia ai kekahi mana, a haʻi ʻole ʻia kekahi? He aha ka hopena o ka loaʻa ʻole ʻana o kekahi o nā mana i ka wā e hiki mai ana?

  • Ke haku hou ʻia kekahi moʻolelo kahiko, pehea e hana pono ai? A pehea e hana pono ʻole ai paha - he aha nā mea a kākou e makaʻala ai a e hōʻalo ai hoʻi?


Eia kekahi, i ka Pōʻakolu, e paʻa ko ʻoukou manaʻo no ka moʻolelo āu e haʻi hou ai. Ke paʻa iā ʻoe, e hoʻokomo ʻia ma ka papa kuhikuhi ma kēia Faila Google; pēlā pū me ke kumu o ia moʻolelo.