24 Ianuali 2022

Kekahi mau puke a Noʻeau Warner

Eia mai ka haʻawina heluhelu o kēia pule. E eʻe aku ma noeau.org/napuke, a e heluhelu i kēia mau puke ʻehā:


  • ‘Okoʻa Ka Palaoa, ʻOkoʻa Ke Koholā

  • ‘Ai ‘Ia Ke Kini E Ke Kao!

  • ‘Aʻohe Hiʻu O Ka Wahine?

  • He Aha Ka Inoa O Kēia Manu?


A laila, e koho i ʻelua puke hou aku (he mau puke pōkole i aʻo mai nō i kekahi analula), a e heluhelu.


Ke pau, e hana i haʻawina Kākau Manaʻo no ia huina puke. Ma kāu pane, e kuhi aku nō i kekahi o nā puke i heluhelu ʻia, i laʻana o kāu manaʻo e wehewehe mai ana. **No kēia haʻawina, e pane pākahi i nā nīnau a pau o lalo nei.


  1. He aha kekahi mau mea āu i mahuʻi a mahuʻi ʻole ai i loko o kēia mau puke?

  2. Pehea i puka ai ka manaʻo Hawaiʻi i nā moʻolelo?

  3. Nui ka pīnaʻi (repetition); ua hōʻalo ʻia anei ka manakā? Pehea?

  4. He aha nā pahuhopu o nā puke, a pehea i kō ai?

  5. He aha kekahi (mau) haʻawina i aʻo ʻia?

  6. Pehea i haku ʻia ai ka hopena o nā moʻolelo?

  7. He mea nui anei nā kiʻi o nā puke?


Waiho ʻia kēia haʻawina ma ka faila Kākau Manaʻo o ka Dropbox, ma mua o ka papa i ka Pōʻakahi.


Eia kekahi, e nānā aku i nā moʻolelo kaʻao ma ka māhele Moʻolelo Kaʻao o ke kahua pūnaewele nei. E koho aku i kāu kaʻao e heluhelu aku ai i kēia kau, a e hoʻopaʻa aku ma kēia Google Doc.